Регионална работилница за подигнување на свеста за консолидација на земјиште во Куманово

Добивај вести на Viber

На 7. март (четврток), 2019  година, во Куманово, проектот финансиран од Европската Унија “Воведување на национална програма за консолидација на земјиште” (МАИНЛАНД) кој го спроведува ФАО во соработка со Министерството за земјоделство, шумарство и водостопанство (МЗШВ),  организира регионална работилница за подигнување на јавната свест за консолидација на земјоделско земјиште. Работилницата ќе се одржи во Занатски Дом во Куманово, со почеток во 12:30 часот.

На настанот ќе се обратат:

·  H.E. Љупчо Николовски, Министер за земјоделство, шумарство и водостопанство

·  Г-а Вилма Даугалиене, главен технички советник од ФАО (тим лидер на проектот MAINLAND)

Утрешната работилница е дел на овогодинешната кампања за консолидација на земјоделско земјиште која ќе трае во наредните два месеци. Главната цел на работилницата е да се подигне локалната свест и разбирање за придобивките од консолидацијата на земјоделското земјиште. Земјоделци, сопственици на земјиште, земјоделски организации, претставници на села и локални самоуправи, геодетски фирми, претставници од МЗШВ и АПРЗ, како и други важни локални чинители од Североисточниот регион се поканети да присуствуваат.

Учесниците ќе се информираат за принципите и постапките за консолидација на земјоделско земјиште во согласност со Националната стратегија за консолидација на земјиште (2012-2020) и  Законот за консолидација на земјоделско земјиште, како и за тековните активности во рамки на проектот МАИНЛАНД.  Сопствениците на земјоделско земјиште ќе бидат исто така информирани како да аплицираат на отворениот повик за изразување интерес за проекти за консолидација на земјоделско земјиште во текот на март и април 2019 година.