РЕК Битола: Поради помал дефект исклучен Блок 3
Објавено во: Економија 16 Јануари, 2019
РЕК Битола денеска ќе го исклучи Блок 3. Оттаму информираат дека станува збор за планирано исклучување на постројката а дека се прави заради отстранување на помал дефект, како и заради превентивна проверка со цел зајакнување на оперативноста на блокот.
„Блок 3 ќе биде вратен во мрежа во следните неколку дена, а во меѓувреме РЕК Битола ќепродолжи со континуирано производство на електрична енергија од Блок 1 и Блок 2.
Неработењето на Блок 3 ќе биде компензирано со другите производствени капацитети на АД ЕЛЕМ и ќе нема потреба од увоз на електрична енергија, стои во соопштението.
АД Електрани на Македонија во моментов произведуваат електрична енергија според планот и потребите на тарифните потрошувачи и сите зафати на производствените капацитети се пресметани во планот за производство.