Реконструираната „Партизанска“ ќе почека за асфалтирањето
Објавено во: Македонија 15 Јули, 2019
Асфалтирањето на дел од булеварот Партизански одреди, кој подлежи на реконструкција, ќе биде одложено на неопределено време поради временските услови, информираат денеска од Град Скопје.
„Градежните активности ќе продолжат на дел од мостот Обединети нации до улицата Московска, во правец на движење од Ѓорче Петров кон Центар, веднаш штом ќе се создадат соодветни временски услови за непречена работа“, велат од градот.
Од таму порачуваат да се почитува поставената сообраќајна сигнализација и да се придржуваат до привремениот режим на сообраќај додека трае реконструкцијата на најголемиот булевар во Македонија.
Се бара трпение и разбирање поради можното отежнато одвивање на сообраќајот во овој дел на градот.