Рекордна излезеност на избори во Северна Кореја
Објавено во: Свет 12 Март, 2019
На изборите во Северна Кореја за ново Врховно народно собрание е забележан нов рекорд од 99,99 отсто излезеност и тоа со можност за гласање на само една листа на пратеници - онаа на Корејската работничка партија.
Претходниот рекорд што беше забележан на изборите кои се одржуваат на секои пет години изнесуваше 99,97 отсто.
Партијата на Ким Џонг Ум владее апсолутистички во Северна Кореја, а на изборите не гласаат единствено оние ретките кои не се во земјата, која инаку е мошне затворена за надворешниот свет, и евентулно работници кои се многу оддалечени од своето гласачко место.
Исто како во 2014 година, секој од 687-те кандидати доби сто отсто од гласовите.