Ременски се закани со кривична за организаторите на протестот пред нејзиниот дом
Објавено во: Македонија 18 Март, 2018
Пратеничката од СДСМ, Фросина Ременски најави дека ќе поднесе кривична пријава за организираните протестот пред нејзиниот дом.
„Во координирана организација со ВМРО-ДПМНЕ, ОК на нивната партија од Карпош на чело со
поранешниот и сегашниот претседател на ОК Карпош Сашо Лазаревски и Тони Јаревски (актуелен
советник во Карпош), заедно со позната група на партиски активисти вечерва "протестираа" со отров во
устата и душата пред мојот дом.
Нема да чекам никој да поднесе кривична пријава. Тоа ќе го направам јас лично со се што поседувам како
доказ за кажаното.
Тој фашизам и безобразлук ќе си го практикувате дома, зошто кај мене нема да ви помине.
Од вечерва сум и Македонка, и Албанка, и Турчинка, и Ромка, и Босанка, и Влаинка и Србинка ..., викајте
ме како сакате, затоа што знам дека, им сакам добро на сите без разлика на вера и етничка припадност.
Вие сте вистинските гробари на иднината и мирот на земјата и верата во која се колнете“ - напиша таа на Фејсбук.
Пред нејзиниот дом вечерва имаше протест поради донедувањето на Законот за употреба на јазиците.