РЕПОРТАЖА ОД СЕВЕРНА КОРЕЈА: Овде се цени науката, а таа ја донесе атомската бомба
Објавено во: Свет 11 Февруари, 2018
Луѓето во Северна Кореја масовно користат интернет и мобилни телефони, девојките се облечени модерно и имаат висок морал. Дел од Пјонгјанг, главниот град на земјата има згради од 80 ката, и потсетува на Дубаи. Во два облакодери има само станови за универзитетските професори.
„Овде се цени науката, а таа ја донесе атомската бомба“ - пишува во ексклузивната репортажа за Северна Кореја, дописникот на српска „Политика“.
Тој објаснува дека како што жителите на Југославија некогаш го сакаа маршалот Тито, така и Севернокорејците го сакаат нивниот лидер Ким Џонг Ун.
Додава дека дури и да има луѓе кои не го сакаат, сепак тоа останува во тајност.
„Сигурно има, само тоа не смее јавно да го покаже, исто како што, во најголем број тоа не смееја да го покажат и опонентите на Тито. Секако дека Северна Кореја не е идеал на демократијата, полицијата и тајните служби следат сѐ, но, да бидеме чесни, истото се случува и во Кина и во некои други држави“- пишува српска „Политика“.
Северна Кореја важи за затворена земја и информации за тоа како таму се живее ретко се појавуваат во медиумите. Животот на граѓаните од оваа земја е енигма за остатокот од светот.