Решението Груевски ќе го добие в понеделник
Објавено во: Македонија 09 Ноември, 2018
Решението на eкс премиерот Никола Груевски ќе му биде врачено в понеделник кога тој треба да се појави на судско рочиште за предметот „Титаник“.
Три пати судски курир не успеал да го најде дома.
Тој треба да се појави во Шутка за да ја одлежи казната затвор од две години за случајот „Тенк“.
Доколку судот утврди дека Груевски одбегнува да го прими решението, во тој случај се оди кон негово спроведување или распишување потерница.
Бројни новинарски екипи вечерва чекаа со надеж дека Груевски ќе се појави во затворот.