Резултати на акционерските друштва за 2017-та: Бетон Штип со загуба, Гранит со преполовена добивка
Објавено во: Финансии 17 Април, 2018
НЛБ Банка со 2.124.947 денари и Стопанска банка АД Скопје со 2.044.120 денари се акционерските друштва со највисоки нето-добивки, откако Македонска берза денеска ги објави податоците за 2017-та. Додека вторите имаат пад од 8,73 насто во однос на 2016-та, првите бележат напредок од 34,55 проценти.
Од другите повисоки нето-добивки може да се издвојат Македонски телеком (1,38 милијарди во 2017-та), кој има раст од една третина, и Цементарница УСЈЕ (1,09 милијарди), Алкалоид (809 милиони), Комерцијална банка (845 милиони), кои стојат стабилно со мал пад или нешто поголема добивка во однос на 2016-та.
Најголем пробив во однос на претходната година од оние што котираат на берзата,има консолидираниот Фершпед со пораст од 7.541 насто, односно од 1,27 милиони денари во 2016 до 97,65 милиони во 2017-та. Забележителен напредок имаат и Скопски пазар (6.751.000 ден.) со 226 насто зголемена добивка, ВВ Тиквеш (142.885.000) со 112,1 насто, Витаминка (32.863.000) 81,7 насто, Стопанска банка Битола (43.013.000) со 43 насто, Триглав осигурување (97.709.177) со 53,33 насто, Уни Банка (242.164.000) со 69,43%. Од позначајните, позитивно оствариле уште Хотели Макпетрол (92,66%), Раде Кончар (56,13%), Лотарија на Македонија (227,6%)....
Во забележителен пад се ФЗЦ 11 Октомври, кој пријавил 34 милиони позитива но таа е намалена петкратно за една година, Адинг (2.666.000 милиони) со -72,4 насто, Бетон Штип пријавил загуба од -55.620.000 во 2017-та, Гранит има добивка од 138.388.000, но преполовен пад споредено со година дена претходно.. Градскиот трговски центар од мала добивка во 2016-та направил негатива од речиси 34 милиони денари лани.Од претпријатијата што имаат позитивна добивка но послаби се од година претходно, Топлификација (3.398.000) има голем пад од 69,9 насто, а тука е и Тетекс (58.721.000) со -31,42 %.и Факом (2.319.000) паднат за 87,19 проценти.
Од Македонска бреза велат дека се чекаат уште десетина котирани друштва да ги пријават своите резултати.
А.К.