Рокерите биле непријатели на диктатурата, сега бараат поддршка
Објавено во: Македонија 06 Јуни, 2017
Рокерите на трибината “Рокенролот како саундтрак за новото министерство за култура” посочија дека им е потребна поголема поддршка за да се наметне еден нов правец кој треба да го замени влијанието на турбофолкот и шундот, како и ниските вредности. Рокенролот како музика и движење секогаш бил непријател на диктатурите, па затоа треба да се негува.
Голем број на музичари, новинари, професори и консументи на рокенрол културата дебатираа во џебното кино во Младинскиот културен центар на трибина насловена “Рокенролот како саундтрак за новото министерство за култура”.
На дебатата учествуваше и министерот за култура Роберт Алаѓозоски. Тука, помеѓу другите пристуни, беа гитаристот Влатко Стефановски, Пеце од „Суперхикс“, Петрит Сарачини, Тошо Филиповски, Виолета Симјановски или Џабир Дерала.
Според нив подобар статус, стимулирање музички рокенрол изданија, заштитата на авторските права, се само дел од проблемите што ги мачат “рокерите“.
Сметаат дека рокенролот е непријател на секоја диктатура, па затоа тој максимално беше отстранет од сите институционални рамки и бараат да добијат статус во општеството и да делуваат за создавање квалитетна културолошка атмосфера.