Добивај вести на Viber
Со помош на фалсификувани или провалени кредитни картички, романски крадци ги пустошат банкарските автомати за извлекување пари. Британската полиција покрена масовна истрага.
Околу 40 милиони фунти годишно се крадат на овој начин, а според сознанијата на британската полиција, дури 92 отсто од ваквите грабежи, се извршени од припадници на банди од Романија.
Криминалистички експерти проценуваат дека овој вид криминал може да се зголеми по 1 јануари, кога се очекува нов наплив на романски (и бугарски) имигранти, затоа што по Нова година се укинува досегашното ограничување при вработувањето во земјите од ЕУ за Романците и Бугарите.
Според полициски извори, во првите шест месеци од оваа година, од фалсификувани банкарски картички се извлечени 23,2 милиони фунти, што е повеќе за 15 отсто, во споредба со истиот период во минатата година. Во исто време, бројот на грабежи врз автоматските банкарски машини е тројно поголем.
Во масовната потрага по романските крадци е вклучена и романската полиција, чии оперативци дојдени во Велика Британија, работатат на откривањето и фаќањето на криминалците од Романија.