Рубљата расте во однос на доларот
Објавено во: Економија 29 Јуни, 2022
Се зголемува вредноста на руската валута. Рубља денеска зајакна во однос на доларот, достигнувајќи го највисокото ниво во последните седум години. Се тргуваа близу 50 рубљи за долар, и ова се случува првпат од мај 2015 година.
Вредноста на рубљата порасна во однос на доларот за повеќе од 3 отсто на 50,22 рубљи за долар на Московската берза, тргувајќи се во 7:24 часот по средноевропско време, а претходно достигна стапка од 50,01.
Рубљата е зголемена за речиси 44 отсто за една година до денес на Московската берза. Во март, поради руската инвазија на Украина и санкциите, оваа валута доживеа пад, но потоа се стабилизираше. Дури имаше прогнози дека Русија ќе банкротира, но тоа не се случи.
foto freepik.com