Румен Радев: Борисов и Заев да не потпишуваат нова декларација без јасни критериуми
Објавено во: Балкан 27 Ноември, 2020
Со години, владата даваше слатки ветувања за безусловна поддршка за членството на Северна Македонија во ЕУ, а за резултатот што го гледаме денес - премногу доцна се сети владата, дека мора да го брани националниот интерес и затоа падна во изолација, коментира Румен Радев, бугарскиот претседател на денешната прес-конференција.
Шефот на Бугарија, чија партија е опозиција, прогнозира дека епилогот во декември е потпишување на нова декларација помеѓу македонскиот и бугарскиот премиер - Зоран Заев и Бојко Бориосв.
- Владата неуспешно се обиде да ги убеди нашите европски партнери дека условите од нашата позиција на национална рамка, усвоена со консензус од парламентот, мора да бидат поставени во рамката за преговори. Затоа, сега би била голема грешка ако премиерите Борисов и Заев играат малку театар за публиката и повторно потпишат список со желби во форма на декларација, како што е договорот од 2018 година - без јасни критериуми, без механизми за верификација и без показатели за исполнување, предупреди Радев.
Имаме најголем интерес и желба нашите браќа од Република Северна Македонија да ја добијат нивната европска перспектива и затоа мора сега да почекаме да се смират емоциите и да се вооружиме со трпеливост за отворен и смирен разговор за да можеме да ги видиме многу јасно позициите на обете страни, смета Радев.
Бугарскиот претседател смета дека зад оваа фасада продолжуваат да гнијат проблемите што ги носи режимот на Тито и неговата идеологија Бугарија треба да ги одобри преговорите на Македонија со ЕУ откако, вели тој, ќе бидат признаени објективни историски факти и кога процесите на искоренување на говорот на омраза и злоупотребата на бугарскиот национален идентитет и суверенитет ќе станат одржливи и неповратни.
- Во спротивно тоа би значело, наместо интеграција на нашите партнери, интегрирање на проблеми. Бугарија е одговорна членка на ЕУ и не може да си го дозволи тоа, заклучи шефот на државата
Можеби ќе ве интересира
ВУЧИЌ ЗА КОСПОНЗОРСТВОТО НА МАКЕДОНИЈА ЗА СРЕБРЕНИЦА: Претпоставувм дека тоа е благодарност за она што го направивме за Скопје
СРПСКИ МЕДИУМ: Братот на осомничениот за убиството на Данка Илиќ починал од насилна смрт
ПРАВАТ СЀ ЗА ДА СЕ „ОТКАЧАТ“ ОД ТУРИСТИТЕ - една од најпопуларните европски атракции е избришаnа од GOOGLE и APPLE MAPS
ГРЦИТЕ БИ САКАЛЕ ДА ГИ ИЗБЕГНАТ „ПАТЛИЏАН“ ТУРИСТИТЕ: Еве каква храна се одзема на граница и што е забрането да се носи при влез
„МИЛОШ, МИ ЈА НЕМА ДАНКА!“: Еве како таткото на малото девојче дознал дека му исчезнало детето - го опиша секој детал
ЗА ВРЕМЕ НА ВИКЕНДОТ, ВО РЕГИОНОТ ЌЕ ПАДНЕ ЕДЕН ОД НАЈГОЛЕМИТЕ СНЕГОВИ ЗА ГОДИНАВА: Следува многу постудено време
НА ЕДНА ПЛАНИНА ВО СОСЕДСТВОТО ИМА ЗЛАТО ЗА ПОЛА ЕВРОПА: Стрикленд Металс влезе во „профитабилната српска игра за злато“
ДАЧИЌ: Дали Османи зборува во името на цела Северна Македонија, македонскиот или албанскиот народ?
ПАРЛАМЕНТОТ НА РЕПУБЛИКА СРПСКА ГО НЕГИРА ГЕНОЦИДОТ ВО СРЕБРЕНИЦА: Велат дека го подигнуваат нивото на национална свест
