Русија: 14 починати во болница во ракетен напад на украинската армија со ХИМАРС
Објавено во: Свет 28 Јануари, 2023
Украинската армија погоди болница во градот Новоајдар во Луганската народна република од повеќецевниот ракетен систем ХИМАРС од американско производство, соопшти денеска руското Министерство за одбрана.
„Денеска околу 7:30 часот по локално време во градот Новоајдар во Луганск, украинските вооружени сили намерно ја погодија зградата на болницата со повеќецевни ракетни фрлачи на системот ХИМАРС од американско производство“, се вели во соопштението.
Министерството додаде дека во нападот загинале 14 лица, а 24 се ранети, вклучувајќи го и болничкиот персонал.