РУСИЈА ГО ВОЗВРАЌА УДАРОТ, МОСКВА ПРОТЕРА 14 БУГАРСКИ ДИПЛОМАТИ - одмазда за бугарските потези
Објавено во: Балкан 05 Август, 2022
Русија брка 14 бугарски дипломати како одмаздничка мерка, пренесе ТАСС.
Руското Министерство за надворешни работи денеска му врачи на бугарскиот амбасадор во Москва Атанас Крастин нота со која 14 вработени во бугарската амбасада и конзуларните служби во Русија се прогласени за „персона нон грата“, се наведува во соопштението на Министерството.
Дадената мерка е одговор на протерувањето на 70 руски дипломати од Бугарија, воведувањето квоти за бројот на дипломатски и административно-технички персонал на Руската Федерација во Бугарија, како и затворањето на генералниот конзулат во Русија. Министерството привлече внимание на фактот дека одговорноста за последиците од „контрапродуктивните мерки“ е целосно на бугарската влада на чело со Кирил Петков, според информациите на ТАСС.
Москва смета дека протерувањето на руските дипломати од Бугарија „предизвикува значителна штета на традиционалните врски“ меѓу двете земји и зборува за „натамошна деградација на колективниот Запад, подготвен да ги жртвува интересите на своите партнери, само за да и наштети на Русија“, се вели и во соопштението, пишува БТА.
Во него се наведува и дека „непријателските чекори на Софија кон Москва немаат никаква врска со националните интереси на Бугарија и нејзиниот народ“.
На 28 јуни премиерот во оставка Кирил Петков на маргините на Народното собрание објави дека Бугарија повлекува 70 руски дипломати.
Извор 24 часа.бг