РУСИЈА ГО ВРАЌА УДАРОТ: 60 дипломати си одат од земјата
Објавено во: Свет 29 Март, 2018
Русија протера 60 американски дипломати и го затвори американскиот конзулат во Санкт Петербург.
Oва е одговор на акцијата на САД поради случајот со труењето во Велика Британија.
Потегот на Русија го соопшти рускиот министер за надворешни работи, Сергеј Лавров.
Тој најави дека и кон другите држави кои протерале руски дипломати ќе бидат преземени реципрочни мерки.
Откако во Велика Британија, поранешниот руски агент Сергеј Скрипал и неговата ќерка беа жртви на напад со нервен агенс, за што беше обвинета Русија, западните земји почнаа со протерување на руски дипломати од нивна територија.
На 14 март британската премиерка, Тереза Меј изјави дека раскинува билатерални контакти со Русија, по што 23 руски дипломати мораа да ја напуштат земјата.
Покрај членки на ЕУ, протерување на руски дипломати најавија и Канада, Украина, Норвешка и Австралија. НАТО одлучи да протера седум руски дипломати од мисијата на Русија во Алијансата.
Американскиот претседател Доналд Трамп нареди протерување на 60 руски дипломати, наводни шпиони од САД како одговор на нападот со нервен агенс врз поранешен шпион Сергеј Скрипал.
Русија и понатаму се оградува од било каква поврзаност со нападот на поранешниот агент Сергеј Скрипал.
Меѓу земјите кои одлучија да протераат руски дипломати се приклучи и Македонија.