РУСИЈА ИМ ПОРАЧА НА БРИТАНЦИТЕ: Дома мора да испратите уште 50 дипломати
Објавено во: Свет 31 Март, 2018
Русија и порача на Велика Британија дека мора да повлече „нешто повеќе од 50“ од своите дипломати.
Русија веќе на одреден начин и возврати на Британија протерувајќи 23 дипломати на таа змеја, како одговор на претходни протерување на истиот број руски дипломати од Британија, во врска со труењето на поранешниот шпион Сергеј Скрипал и неговата ќерка Јулија.
Британија тврди дека Русија е одговорна за тој напад на 4 март во Салсбери а Русија негира вмешаност.
Британскиот амбасадор во петокот повторно е повикан во руското министерство за надворешни работи каде му е кажано дека Британија мора да го намали бројот на своите дипломати во Русија на исто толку колку што има руски дипломати во Британија.
Портпаролката на Министерството за надворешни работи на Русија рекла дека тоа значи дека Британија ќе мора да го намали бројот на своите дипломати во Русија за „Нешто повеќе од 50“.
„Побаравме паритет. Британците имаат 50 дипломати повеќе од Руси“, рекла таа.