Русија има меѓувладин договор со Македонија за отворање на центар за наука и култура
Објавено во: Економија 08 Септември, 2018
Федералната агенција на Русија за задгранично делување објави дека има договори за отворање на руски центри за наука и култура во Македонија, Јапонија, Јужна Кореја и Сингапур, но дека се уште истите не се отворени, пренесува ИТАР-ТАСС.
Во четвртокот тоа го потврдила шефот на агенцијата, Елеонора Митрофанова.
Таа потсети дека вакви центри може да се отвори само во оние држави со кои Русија има потпишано меѓувладини спогодби за основање и активност на овие институти.
"Се планира спроведување на претходно склучени договори со Република Кореја, Република Македонија, Сингапур и Јапонија", рече Митрофанова.
Агенцијата планира да отвори нови руски центри за наука и култура (РССЦ) во Латинска Америка и Африка."Ние сме заинтересирани за отворање на нови центри кои активно ќе работат во земјите во развој од Латинска Америка и Африка. , како и во регионот Азија-Пацифик Покрај тоа, се планира центар во азербејџански град Гања" - истакна Митрофанова за новинската агенција.
Според неа, "од посебен интерес е продолжување на активностите на рускиот центар за наука и култура во главниот град на Сирија".
Од почетокот на 2009 година Русија за 29 земји има наменето 17 вакви центри, а 13 претставници од овие институции работат и во руските амбасади.