Русија ќе биде помоќна од НАТО?
Објавено во: Свет 13 Март, 2018
Британски „Економист“ пишува дека Европската Унија би требало повеќе да биде загрижена за конвенционалните сили кои Русија ги распоредува на Балтикот отколку за нуклеарното вооружување.
Според весникот, рускиот претседател Владимир Путин во своето годишно обраќање до нацијата и говорот за нуклеарната ракета со неограничен досег, која гарантирано може да ја избегне американската противвоздушна одбрана, ги освоил насловните страници, како што и посакувал.
Сепак, она за што треба да се грижи Европа е растечката руска моќ што се развива на Балтикот, стои во текстот објавен на 8 март. Според повеќето параметри, НАТО е во предност во однос на Русија, но реалноста на теренот би можела да биде поинаква, предупредува весникот.
Како што се наведува во текстот кој се повикува на наодите од корпорацијата RAND, експертите тврдат дека Русија сега има значајна локална супериорност во однос на НАТО, во случај на конфликт во близина на нејзините граници. Силите на НАТО, кога би се здружиле, би биле „преголем залак“ за Русија, но во раната фаза на евентуален конфликт, барем во текот на првиот месец, а можеби и подолго, Алијансата би била надвладеана.