Русија се плаши дека мала земја ќе го има на нишан Санкт Петербург
Објавено во: Свет 24 Јануари, 2023
Русија сега тврди дека и малата Естонија е закана за неа, ако добива оружје од Западот.
„Западните земји планираат да испорачаат на Естонија најсовремени типови на конвенционално оружје, кое е способно да го држи Санкт Петербург пред нејзиниот нишан“, изјави рускиот амбасадор во Талин, Владимир Липаев за каналот Solovyov-live.
Како што вели тој, англосаксонците имаат интерес овде да создадат антируска стража за да извршат притисок врз Русија.
„Не зборуваме само за економски, политички, културен, туку и воен притисок“, рече тој.
Тој прашува зошто Естонија има потреба од оружје и со кого ќе војува.