Русија се спрема за голема офанзива во Луганск

Добивај вести на Viber

Сите информации укажуваат дека Русија се спрема за голема офанзива месецов. 

Американскиот институт за воени студии (ISW) oбјави дека Русија се подготвува за нова офанзива, повикувајќи се на извори од Запад и од Украина и Русија. Се смета дека Русија ќе мобилизира над 200.000 луѓе. 

Генералниот секретар на НАТО Јенс Столтенберг на 30 јануари рече дека нема индикации дека Русија се подготвува да преговара за мир и дека сите показатели укажуваат на спротивното. 

Шефот на Советот на резервисти на украинските копнени сили, Иван Тимочко изјави дека руските сили ги зајакнуваат своите групации во Донбас, како дел од очекуваната офанзива, пишува ISW. Офанзивата најверојатно ќе биде во регионот на Луганск во наредните месеци.

Олексеј Данилов, секретар на Советот за национална безбедност и одбрана на Украина, зборуваше повеќе за можната ескалација.

„Украина се подготвува за голема ескалација што може да се случи дури и во следните две до три недели“, вели тој.

Најтешките битки допрва следат и дека следните месеци ќе бидат клучни. 

Украинскиот претседател Володимир Зеленски вчера им го одзема државјанството на неколку поранешни влијателни политичари, како последен чекор за „прочистување“ на земјата од проруски влијанија.

Две руски ракети го погодиле центарот на Харков во североисточна Украина, а една од ракетите погодила станбена зграда. 

Се навршува скоро една година од почетокот на војната во Украина. Русија лани на 24 февруари ја нападна соседната земја.