Добивај вести на Viber
Намалување од 2,5 проценти, споредено со истиот период лани, забележа извозот на нафта од Русија во првото полугодие, односно тој изнесува 97,5 милиони тони, пренесува агенцијата Франс прес.
Само во јуни, според податоците на државната статистичка служба Рос стат, извозот е намален за 5,4 проценти, на 18,2 милиони тони.
Во првите шест месеци биле произведени 258,2 милиони тони нафта, што е за 0,7 проценти повеќе од периодот јануари-јуни во 2012 година.
Производството во јуни е зголемено за 2,1 проценти на годишно ниво, на 43,1 милиони тони, но во однос на мај тоа е помалку за 2,7 проценти.
За првите шест месеци од оваа година преработени се 135,2 милиони тони нафта, што е за 2,3 проценти повеќе во однос на истиот период минатата година.
Уделот на нафтата во вкупниот обем на рускиот извоз во првата половина од оваа година изнесуваше 33,1 проценти, а во извозот на гориво и енергетика 46,4 проценти. Во првите шест месеци од 2012 година тоа беше 35,1 проценти, односно 49,4 проценти.