РУСИТЕ НЕ ЈА ДАВААТ ЗАПОРОЖЈЕ НА НИКАКВА „ТРЕТА СТРАНА“ - Захарова вели дека не може да се очекува нивно повлекување
Објавено во: Свет 06 Декември, 2022
Руското Министерство за надворешни работи реагираше на предлозите на Меѓународната агенција за атомска енергија (МААЕ) за создавање на демилитаризирана и заштитена зона околу нуклеарната централа Запорожје, пишува Си-Ен-Ен.
Портпаролката на министерството Марија Захарова одговори на прашање на руска новинска агенција за статусот на електраната окупирана од руските сили на почетокот на март и можноста таа да дојде под контрола на „трета страна“.
"Не може да стане збор за какво било повлекување од нуклеарната централа Запорожје. Таа останува под руска контрола и нема да биде предадена на ниту една "трета страна". Електраната се наоѓа на руска територија и е целосно под руска контрола. Ние, верувајте дека само ние можеме да обезбедиме физичка и нуклеарна безбедност на електраната Запорожје“, им одговори Захарова на новинарите.