Русите објавија карта до каде се нивните нови граници
Објавено во: Свет 04 Октомври, 2022
Русија објави до каде се нејзините нови граници.
Советот на руската федерацијата на пленарна седница денеска едногласно одобри четири федерални уставни закони за прием на таканаречените Народни републики Доњецк и Луганск, како и регионите Запорожје и Херсон во Русија.
Документите сега се враќаат во Кремљ каде треба да ги потпише претседателот Владимир Путин за да заврши процесот на формалното припојување на четирите региони, кои претставуваат околу 18 отсто од признатата територија на Украина.
Русија ја прогласи анексијата по одржувањето на, како што вели референдумите во окупираните области на Украина.
Но, Русија повеќе нема целосна контрола на ниту една од четирите украински провинции за кои вели дека ги анектирала минатата недела, откако украинските војници напредувале десетици километри кај Херсон. Украинските власти потврдија, но без многу детали.Украина го направи најголемиот пробив на југот од почетокот на војната, брзо напредуваат и на исток. Инаку, Украина не сака да прави компромис за територија. Војната почна на 24 февруари, кога во раните утрински часови, Русија ја нападна Украина.