РУСКАТА ЕЛИТА САКА ПУТИН ДА ОТСТАПИ ОД ФУНКЦИЈАТА: „Веројатно речиси и да нема никој кој е среќен со Путин“
Објавено во: Свет 26 Мај, 2022
Независен руски медиум објави дека се поголем број припадници на руската елита се
незадоволни од претседателот Владимир Путин, вклучително и некои кои ја
поддржуваат неговата инвазија на Украина.
Медуза, независна веб-страница за вести на руски и на англиски јазик со седиште во Латвија, објави за зголемениот песимизам меѓу членовите на елитата. Во текот на трите месеци откако Путин и нареди на својата војска да ја нападне Украина, целокупното мислење за претседателот и војната се сменија неколку пати, пренесува Newsweek.
Веб-страницата напиша дека првичната одлука на Путин да оди во војна „ги згрози повеќето функционери на Кремељ, кои се плашеа дека западните санкции ќе ги уништат нивните кариери, а можеби дури и нивните животи“. Наскоро, сепак, патриотизмот донесе некои провоени чувства, но тоа исчезна до април. Сега, многу угледни луѓе сакаат војната да заврши.
Русија е тешко погодена од невидените санкции што и ги наметнаа САД и другите нации поради инвазијата на Украина. Земјата доживеа побавен економски раст од очекуваниот во првиот квартал од 2022 година, а владата на Обединетото Кралство во април предвиде дека Русија наскоро ќе западне во најдлабоката рецесија од распадот на Советскиот Сојуз.
Руската независна информативна страница Медуза во вторникот објави дека членовите на руската елита стануваат се понезадоволни од раководството на рускиот претседател Владимир Путин.
Санкциите се ставени на руски медиуми, олигарси и функционери на Кремљ, како и на самиот Путин. Санкционирани се и разни руски организации и бизниси, а САД го забранија увозот на руска нафта во март.
„Веројатно речиси и да нема никој кој е среќен со Путин“, Медуза цитираше неименуван извор близок до Кремљ. „Бизнисмените и многу членови на Кабинетот се незадоволни што претседателот ја започна оваа војна без да размисли за обемот на санкциите. Нормалниот живот под овие санкции е невозможен“.
Дополнително, руските бизнисмени и државните функционери, наводно, се незадоволни од раководството на Путин, бидејќи реалноста на лошата економија станува алармантна. Медуза објави дека нејзини извори од Кремљ рекле дека има зголемени дискусии за наследникот на Путин.
„Не е дека тие сакаат да го соборат Путин во моментов или дека подготвуваат заговор, но постои желба тој да не управува со државата можеби во догледна иднина“, изјавил наводно еден од изворите на Медуза, пренесува Newsweek.