Руските државјани со шенген визи нема да можат да влезат во една европска земја
Објавено во: Свет 11 Август, 2022
Талин ќе забранува влез на руски државјани со шенген визи.
Естонија планира да им забрани на руските државјани со шенген визи издадени од балтичката држава да влезат во земјата поради руската инвазија на Украина.
Естонскиот шеф на дипломатијата, Урмас Реинсалу, изјави дека иако шенген-визите издадени од неговата земја ќе останат валидни, тие нема да бидат прифатени за влез.
Реинсалу кажа дека одлуката влијае само на проценетите 50.000 визи издадени од Естонија, додавајќи дека владата планира во наредните денови да разговара за начините за забрана за влез на сите руски граѓани во Естонија.
Ова не важи за дипломатите и членовите на нивните семејства, поединците вклучени во меѓународни транспортни бизниси, лицата кои треба да ја посетат Естонија од хуманитарни причини или блиските роднини на естонските граѓани и постојаните жители.
Естонија престана да издава нови туристички визи за Русите веднаш по инвазијата на Украина во февруари, освен за роднините на естонските граѓани.
Естонија повика европските земји да не им даваат визи на Русите.
Премиерката Каја Калас бара европските држави да престанат да издаваат туристички визи за Русите. Таа рече дека посетата на Европа е привилегија.
foto Wikipedia/Ivar Leidus
Можеби ќе ве интересира
ДЕТЕ ВО ТЕКСАС СЕ ЗАКАНУВАЛО НА СОУЧЕНИК: Во полиција открило дека пред две години убило човек
ЗАГИНА ПРИ НАПАД СО ДРОН: Во Украина е убиен руски новинар
(ВИДЕО) УКРАИНА ГО ГАЃАШЕ БЕЛГОРОД: Загинаа две лица
ГАЗА: На секои 10 минути едно дете е убиено или повредено
(ВОЗНЕМИРУВАЧКО ВИДЕО) ЧОВЕК СЕ ЗАПАЛИ ПРЕД СУДОТ ВО ЊУЈОРК: Ова се случи откако е објавено дека е избрана порота за случајот против Трамп
РУСИЈА ГО ШИРИ ВЛИЈАНИЕТО: Владата на Чад се закани дека ќе ги исфрли американските трупи
ДИРЕКТНИТЕ НАПАДИ МЕЃУ ИЗРАЕЛ И ИРАН ЗАВРШИЈА: Техеран нема да одговори
ЕРМEНИЈА ЌЕ ВРАТИ ТЕРИТОРИЈА: Четири села ќе отстапи на Азербејџан
МЕДВЕДЕВ: Оние кои го поддржуваат Киев сакаат да го ликвидираат Зеленски
