Рускоска задоволна од казната за Кичеец, не очекувала повисока бидејќи призна вина
Објавено во: Македонија 04 Декември, 2019
„Мислам дека е добра изречената санкција, но кога ќе ја примам пресудата ќе одлучам дали ќе вложам жалба за пресудата“, рече денеска обвинителката Вилчма Рускоска по изрекувањето на пресудата од три години затвор за Зоран Милевски Кичеец.
Таа не очекувала поголема казна.
„Не очекував искрено, бидејќи е голем распонот од 1 до 10 години, досега не е осудуван, и најмногу затоа што призна вина“, нагласи обвинителката.
Таа не ја исклучи можноста Кичеец да се појави како сведок во постапката против Катица Јанева и Бојан Јовановски, другите двајца обвинети во Рекет.
„Може да се појави и може тоа да биде предлог или на обвинителството или на одбраната, во дополнување на доказната постапка“, нагласи Рускоска.