САД му даде 510 илјади долари на Спасовски
Објавено во: Македонија 13 Декември, 2018
САД одобри техничка опрема во вредност од 510.000 долари за Министерството за внатрешни работи за подобрување на контролата за извоз и гранична безбедност.
Станува збор за две комби возила со мобилни единици за детекција на радијација, патролен чамец, теренско возило за полициската единица за службени кучиња и еден уред за обработка податоци.
Ова го потврдија министерот за внатрешни работи Оливер Спасовски и американскиот амбасадор Џес Бејли на свечена церемонија.
Спасовски потврди дека опремата веднаш ќе биде практикувана, односно дека нема да стои непотребно по депоа.
Бејли рече дека помошта што САД досега преку оваа програма и ја доделиле на Македонија изнесува над девет милиони долари.