САД панично го остранува рускиот антивирус Касперски
Објавено во: Свет 14 Септември, 2017
Владините тела на САД панично го отстрануваат анти вирусот Касперски, софтверска програма која потекнува од Русија, во страв дека истата може да биде злоупотребена за кражба на податоци и нанесување на штети во сајбер безбедноста.
Департментот за внатрешна безбедност издаде директива кон другите оддели да направат попис на сите производи на „Касперски” во своите компјутерски системи во рок од 30 дена, да изработат планови за да ги отстранат во период до 60 дена и да престанат во целост да ги користат за 90 дена.
– Департментот е загрижен поради врските меѓу некои вработени во „Касперски“ и руското разузнавање и други владини агенции, како и можноста која ја дозволува руското законодавство да замолат или да побараат соработка од „Касперски“ и да ги прекинат комуникациите кои транзитно минуваат низ руски мрежи, се наведува во соопштението на американското Министерство за внатрешна безбедност.
Фирмата „Лабораторија Касперски“ повеќепати негираше дека е поврзана со која и да е влада, тврдејќи дека нема намера да помога на која и да е администрација да врши сајбер шпионажа.