Салвини фотографиран со четничко знаме
Објавено во: Свет 19 Октомври, 2018
Српоските емигранти во Италија објавија фотографија во јавноста каде италијанскиот министер за внатрешни работи и вицепремиер Матео Салвини е кадросан заедно со четничко знаме.Засега не е познато од кога датира фотографијата, објави хрватски Индекс.
Знамето е официјален транспарент на српските четници во Втората светска војна, со девизата "Вера во Бог, за кралот и за својата татковина".
Салвини, како шеф на италијанската десничарска партија, е познат како критичар на актуелната политика на ЕУ и силно се противи на доаѓањето на мигрантите, а на иста линија е со унгарскиот премиер Виктор Орбан.
Таквата политика му беше наградена, а поддршката на неговата партија растеше со загриженост на италијанската јавност од растечкиот број на дојдовни мигранти.