Самохрана мајка загина на работа oткако ја здроби голема машина
Објавено во: Свет 19 Јуни, 2021
Младата Италијанка Луана Доразио загина на работа oткако ја здроби голема машина.
23-годишната самохрана мајка на почетокот на мај загина на работното место. Работела во текстилна фабрика „Ордитура Луана“ во Прат, во близина на Фиренца. Истрагата покажа дека на контролната плоча биле тргнати осигурачите кои би спречиле да настрада.
Таа не поминала никаква обука, а не положила ни испит за безбедност при работа. Во моментот кога загинала не носела заштитен комбинезон, кој е стандард. Истражителите наведуваат дека била приправничка и дека некој морало да ја надгледува за време на работата. Во нејзиниот договор е наведено дека може да работи само под надзор.
Но, фабриката не вработила доволно луѓе кои би требало да надгледуваат. Под истрага засега се тројца луѓе.