22 Мај, 2019
0.0254

Самсоненко објави тажна вест: Вработувам 5.000 луѓе, си одам од Вардар

Објавено во: Македонија 19 Април, 2019

Сергеј Самсоненко, рускиот инвеститор во Македонија, објави дека вработува 5.000 луѓе во неговите компании и за да не ги загрози нивните приходи повеќе нема да го финансисра ракометниот клуб Вардар од седната сезона. Во продолжение ви го пренесуваме целосното обраќање на Самсоненко.

„Изминува веќе 7-та година од моето раководење и финансирање на ракометот во државата, започнувајќи од ЖРК Вардар во 2012 година и веќе во 2013 година приклучувајќи го и РК Вардар.
Од седумте години поминати во ракометот за жал изминува веќе третата година како јас лично се борам од ден за ден за издржување на клубот, со постојано задолжување и земање на кредити. Покрај оваа борба која ја водам секој ден зад мене има повеќе од 5000 вработени во моите компании кои ги издржувам со нивните семејства и кои не сакам да ги загрозувам, а веќе тоа се одразува со моето постојано задолжување за спортот.

Приходот кој ракометниот клуб го има од страна на Европската Ракометна Федерација и од спонзори изминативе години не е ни 10% од буџетот кој јас го давам годишно.
Добив премногу ветувања дека за кратко ќе добијам помош за ракометот, но еве веќе како што напоменав измина и седмата година и таа помош ја нема.

Ова е причината поради која јас од следната сезона не сум во можност да продолжам со финансирањето на ракометниот клуб Вардар.
Во изминатите години РК Вардар како симбол на државата доминира во спортот. Вардар е, и ќе биде национална гордост за секој граѓанин. Вардар стана европски првак во машка конкуренција во ЛШ во 2017 година и на нашата земја ѝ го донесе европското злато.

„Црвено-црните" како што не нарекуваат ја освоија европската круна во Келн, и никогаш нема да заборавам ниту јас ниту сите граѓани како во Скопје не пречекаа илјадници луѓе и се поклонија за успехот на ракометарите.

Да не заборавиме дека 6 сезони во ЖРК Вардар донесоа: 6 првенствени титули, 5 купови на РМ, 5 учества во лигата на шампиони од кои три пати Европска бронза и двапати го освоивме второто место.
Шест сезони во РК Вардар донесоа : 4 првенствени титули, 5 купови на РМ, 2 супер купа на РМ, 4 регионални СЕХА титули, едно изгубено полуфинале во лигата на шампионите и титулата со непроценливо значење, освојувачи на ЛШ во 2017 година

Заради сето ова погоре со ова мое искрено писмо отворено Ги повикувам сите македонски бизнисмени да дојдат и да се приклучат кон финансирањето на Ракометниот клуб.

Вардар е едната радост на нашата земја!Се надевам дека ова ќе допре до Вашите срца и заедно ќе ја сочуваме нашата гордост!“, гласи соопштението на Самсоненко.


Можеби ќе ве интересира

ФОКУС НА ДЕНОТ: Нови цени на горивата, што договорија Заев и Ахмети?

ФОКУС НА ДЕНОТ: Нови цени на горивата, што договорија Заев и Ахмети?

По средбата Заев - Ахмети има ли конкретни имиња кои ќе бидат сменети?

По средбата Заев - Ахмети има ли конкретни имиња кои ќе бидат сменети?

Богоевски закажа седница за одземање на мандатот на Груевски

Богоевски закажа седница за одземање на мандатот на Груевски

Џеват Адеми кажа од каде треба да почне „метлата“

Џеват Адеми кажа од каде треба да почне „метлата“

Првиот грчки F16 ја прелета Македонија

Првиот грчки F16 ја прелета Македонија

УНЕСКО бара Охрид да се стави на листата загрозено светско наследство

УНЕСКО бара Охрид да се стави на листата загрозено светско наследство

Копров им се извини на Србите затоа што не добија од нас ниту еден поен

Копров им се извини на Србите затоа што не добија од нас ниту еден поен

Апелационен суд не ја прифати жалбата на Спиро Ристовски

Апелационен суд не ја прифати жалбата на Спиро Ристовски

Едмонд Темелко не се откажува од градоначалничката функција

Едмонд Темелко не се откажува од градоначалничката функција