Сања Лукаревска за казните е-даночни пријави: Да зборуваме за убави работи
Објавено во: Финансии 13 Септември, 2018
Директорката на УЈП, Сања Лукаревска, денеска ја убверуваше јавноста дека мобилни даночни шалтери ќе им помагаат на оние кои нема да знаат компјутерски да се снајдат во регистрирањето на е-пријава во новата даночна реформа што е предвидено да се спроведе до крајот на годината. Новините предизвикаа негодување кај граѓаните и сите реагираа на социјалните мрежи.
- Ќе има мобилни даночни шалтери, дури и во најнедостапните места за да се асистира за помош - рече Лукаревска.
На новинарско прашање колкави ќе бидат казните доколку некој го испушти рокот, Лукаревска рече дека не е донесена одлука.
- Да зборуваме за убави работи. Доколку некој доцни, ние знаеме и да му се јавиме да го потсетиме - рече таа.
Според новите правила, до крајот на годинава, сите граѓани кои оствариле каков било приход мора да се регистрираат за електронска годишна даночна пријава и таму да ги внесат своите примања. Тоа значи дека и пензионерите треба да ги внесат приходите по основ на пензија. И тие но и сите други граѓани мора да влезат во системот за да може управата да им ја изготви пријавата.
Е-даночната пријава е ново решение на УЈП. До крајот на годината податоци треба да испратат сите граѓани кои оствариле приход од редовни месечни примања, плата или пензија, но се пријавуваат и дополнителните заработки од капитални добивки, продажба на недвижен имот договори на дело, работа на интернет и слично. Регистрацијата е на системот е-персонален данок, а потоа барањето за регистрација треба да се поднесе на шалтерите на Управата за јавни приходи. Регистрацијата граѓаните ќе мора да ја направат само еднаш, а не како досега секоја година сами да ги поднесуваат пријавите.
УЈП предвидела за тие кои се болни, изнемоштени нои оние кои не знаат да работат на компјутер да можат да ополномоштат помладо лице на нотар па тој за нив да ја врши работата.