10 Јули, 2020
0.0417

Сашо Димитријоски „преживеа“ како директор на АЕК

Објавено во: Економија 20 Ноември, 2019

Сашо Димитријоски ја „преживеа“ смената како директор на АЕК откако точката за негово разрешување доцна синоќа беше симната од дневниот ред на седницата на Комисијата.

Директорот на Агенцијата за електронски комуникации беше избран за прв човек на ова регулаторно тело на пазарот на електронски комуникации на почетокот на 2016, а редовно мандатот му истекува во 2021.

- Беа прифатени моите докази и аргументи и останувам и натаму директор на АЕК. Точката за разрешување е тргната, потврди Димитријоски.

Неофицијално, поранешниот прв човек на МАРнет имал поддршка од меѓународните инстанци каде што АЕК членува, а наводно иницијативата на Комисијата, предводена од нејзиниот претседател Стевица Јосифовски, за негово отповикување била оценета како незаконска.

Пред два месеци Јосифовски беше избран за нов претседател на Комисијата на Агенцијата за електронски комуникации на местото на дотогашната претседателка Гордана Клинчарова, која беше разрешена од функцијата. На седницата на Комисијата имаше спротиставени ставови на членовите, а образложението за причините за разрешување на Клинчарова јавно не беше објавено. 

Инаку на претходната седница, Димитријоски писмено се произнесе по веќе донесениот заклучок за поведување на постапка за негово разрешување; Во негово отсуство, преку писмо ги образложил своите аргументи и околности зошто не треба да биде променет.

АЕК историски е позната по тоа што доделуваше донации без консултации со електронските оператори, од каде што беа прибирани најголем дел од не така малите финансиски средства. Димитријоски во една прилика беше обвинет во јавност дека донирал пари за Велосипедската федерација на Македонија чиј претседател бил истовремено.

Според финансиските извештаи на Агенцијата, во текот на 2016 АЕК донирала над 3 милиони евра. Парите биле потрошени за изградба на Панорамското тркало, Зоолошката градина, имало донации за МТВ, Општина Гази Баба и Велосипедската федерација. АЕК и понатаму секоја година прима барања за донации од најразлични правни лица.

Александар Кузмановски

Можеби ќе ве интересира

МАЛА ПОНУДА НА НАФТА: Во светот вакво нешто немало една деценија

МАЛА ПОНУДА НА НАФТА: Во светот вакво нешто немало една деценија

Ангеловска: Над 187.000 граѓани со домашните платежни картички потрошиле 10.7 милиони евра

Ангеловска: Над 187.000 граѓани со домашните платежни картички потрошиле 10.7 милиони евра

Здружението на земјоделството и прехранбената индустрија повикува компаниите да не бидат вклучени во предизборната реторика

Здружението на земјоделството и прехранбената индустрија повикува компаниите да не бидат вклучени во предизборната реторика

Кои се најуспешните компании во Кавадарци?

Кои се најуспешните компании во Кавадарци?

МАСОВНО КУПУВААТ ИМОТИ: Словенците го „окупираа“ хрватското крајбрежје

МАСОВНО КУПУВААТ ИМОТИ: Словенците го „окупираа“ хрватското крајбрежје

Еве каде можете да ги искористите ваучерите за туризам

Еве каде можете да ги искористите ваучерите за туризам

СТРАВ КАЈ ГЕРМАНЦИТE: Секоја петта компанија е во ризик

СТРАВ КАЈ ГЕРМАНЦИТE: Секоја петта компанија е во ризик

МЕРКИТЕ ГИ ПОЧИТУВАВМЕ, НО НЕ МОЖЕТЕ ДА ГИ КОНТРОЛИРАТЕ СИТЕ ВРАБОТЕНИ И НА ПАУЗА И ВО ТОАЛЕТ - Димитров за заболените во „Мода“ Свети Николе

МЕРКИТЕ ГИ ПОЧИТУВАВМЕ, НО НЕ МОЖЕТЕ ДА ГИ КОНТРОЛИРАТЕ СИТЕ ВРАБОТЕНИ И НА ПАУЗА И ВО ТОАЛЕТ - Димитров за заболените во „Мода“ Свети Николе

Колку работодавци и работници добиле финансиска поддршка за три месеци?

Колку работодавци и работници добиле финансиска поддршка за три месеци?