Саудијката која доби азил во Канада се пофали како сега живее
Објавено во: Свет 16 Јануари, 2019
Рахаф Мухамед, e Саудијката која поради страв од семејството побегна од својата земја и доби азил во Канада.
Девојката неодамна пробала сланина и со фотографија се пофалила на социјалните мрежи. „Omg сланина“, напишала тинејџерката со емоција и канадско знаме. Таа го посетила Старбакс, и објавила фотографија со кафе во кратко фустанче кое ѝ ги открива нозете, нешто што претходно ѝ било незамисливо.
Од агенцијата за бегалци, која ѝ помогнала да се смести во Канада, признале дека изнајмиле луѓе кои ќе ја штитат девојката, поради многубројните закани.Рахаф го привлече вниманието на меѓународната јавност минатата недела, кога се затворила во хотелска соба на аеродромот во Бангкок во знак на отпор против одлуката да биде вратена кај своето семејство, за кое вели дека ја злоставувало. Откако семејството се откажало од неа, поради бегството, Рахаф го отфрлила семејното презиме ал Кунун.
Но, неколку недели подоцна, Рахав јасно ги искажува своите ставови и веќе живее сосема поинаков живот.
Девојката се откажала од исламот и се плашеше дека нејзините ќе ја убијат.Кога се обратила во јавноста порачала дека таа, за разлика од многу жени, имала среќа.
Најавила дека својот нов живот во Канада ќе го посвети на борбата за слободата на жените ширум светот.
„Доаѓањето во Торонто ми овозможи да се најдам меѓу бројни среќници кои сами одлучуваат за својот живот и да ја почувствувам независноста која им е ускратена на жените во мојата татковина", рече таа.
Вели дека се радува што во Канада нема да има ограничувања и забрани како во својата земја. Сака да биде независна и да патува.