Савка Димитровска за Фактор: Најважно е да има мерки за задржување на работните места

Добивај вести на Viber

Станува збор за сериозна криза која секако се рефлектира во домашната економија особено во некои сектори и потребно е будно да се следат сите влијанија и навремено да се реагира. Поранешниот и долгогодишен прв човек на домашната кондиторска компанија Европа, Савка Димитровска во изјава за Фактор вели дека државата мора да се фокусира на тоа да не се изгубат работни места, па сугерира мерките кои ќе се носат да се насочени кон  субвенционирање на придонесите и други трошоци за вработените.

„Треба да се направи опсежна анализа која компанија во каква состојба е, имаме извештаи, дополнително да се анализира во погодените сектори и итно да се носат мерки кои ќе озвоможат да не се губат работните места. Да се слушаат фирмите и експертите и да се реагира на дневна основа, вели Димитровска.

Како долгогодишен бизнисмен, сега е во пензија, вели дека прехранбената индустриј сега  не е значајно засегната, но вели дека стравува оти ширењето на вирусот може да ги погоди и овие фабрики. 

„И од здравствен аспект, замислете еден од погоните да е болен и да се заболат сите. Тоа ќе биде страшно и фабриките ќе се затвораат, додава таа.

Самата долги години членува во Надзорниот одбор на Комерцијална банка па вели дека е добро што банкарскиот сектор е стабилен и им излегол во пресрет на граѓаните и на фирмите.

А.Т.