СДСМ: Со приближувањето кон НАТО и интеграцијата во ЕУ се очекува растот на платите да се засили
Објавено во: Економија 23 Јуни, 2018
Успешните економски политики на Владата предводена од СДСМ даваат реални резултати, информираа од СДСМ, откако Државниот завод за статистика објави дека просечната нето плата во април 2018 изнесувала 23.942 денари, што е за 5,6 отсто повеќе во однос на платата во април 2017 година.
„Зголемувањето на минималната плата ја отвори спиралата на раст на платите, фактот што околу 90.000 работници добиваат повисока плата позитивно влијае врз растот и на просечната плата. Мерките што се спроведуваат обезбедуваат повеќе пари кај граѓаните, повисоки плати и подобар животен стандард“- се наведува во партиското соопштение.
Од партијата велат дека со решавањето на спорот со Грција и со приближувањето на Македонија кон членство во НАТО и интеграцијата во ЕУ се очекува трендот на раст на платите да се засили и интензивира, со крајна цел просечната плата да достигне 30.000 денари веќе до крајот на 2019 година.
Можеби ќе ве интересира
Анѓушев и Бектеши на Виенскиот економски форум: Регионалната економска област ќе ги заживее економиите на сите држави од Западен Балкан
Манчевски: Тој што не работи нема што да бара во администрацијата
Пробиен најдолгиот тунел во историјата на Македонија
Во Германија касиерка со плата од 1.300 евра се смета за сиромашна
ММФ: Да се зголеми старосната граница за пензионирање во Македонија
Која институција ќе добие најголема инјекција од буџетот за 2019?
„Македонска пошта“ не сака да се демонополизира, бара одложување
Буџет 2019: Поголеми даноци, а вивнуваат приходите од такси и глоби
Државата проценува колку да му плати на „Макпетрол“ за да си оди од ГА-МА
