20 Август, 2019
0.0264

СДСМ земал кредит за избори и го вратил еднократно

Објавено во: Финансии 19 Март, 2019

СДСМ пред локалните избори во 2017-та земал кредит од банка и го вратил еднократно следната година, се вели во штотуку завршениот извештај на Заводот за ревизија за владеачката партија кој го опфаќа периодот пред, за време и после кампањата за советници и градоначалници во локалните самоуправи.

Социјалдемократскиот сојуз го склучил договорот со кредиторот на 19 септември 2017-та, односно на два месеци пред изборите. Кредитот еднократно е вратен на 8 јуни 2018-та, односно на безмалку два месеци пред да биде донесена измената на член 13 од Законот за финансирање на политичките партии со која им се овозможува на овие субјекти да зајмуваат кредити кај банките.

Според државниот ревизорски извештај, СДСМ ги пренел средствата од сметката за редовно работење на изборната сметка, но при тоа Изборниот законик налагал само трансфер на пари од членарини и класични донации.

На СДСМ врз основа на добиените 1,12 милиони гласа, односно освени 57 градоначалнички места и 552 советнички имал право на 16,8 милиони денари од јавните финансии.

Сите средства - вкупно 13 милиони денари, собрани од членарини во текот на 2017-та се префрлени на изборната сметка за кампањата, а како донации се пријавени 45,5 милиони денари. Во кампањата најмногу пари се потрошиле за рекламирање во вредност од еден милион евра.

Од препораките, Заводот бара од СДСМ да ги прикажува сите поединечни уплати за членарина, која при тоа не смее да изнесува повеќе од една просечна нето-плата годишно. Во овој случај општинските организации на партијата ги прикажувале само целокупните суми од сите членарини заедно, а не од секој член посебно.

На СДСМ му се препорачува и да ја реши правно-имотната состојба со деловните простории во Тетово, Куманово, Виница, Гази Баба, Кисела Вода, Центар, Делчево и Кочани, бидејќи истите локали ги прикажува како штабови за време на изборите.

А.К.

Можеби ќе ве интересира

Најевтините хотели со 5 ѕвезди низ целиот свет

Најевтините хотели со 5 ѕвезди низ целиот свет

Колку изнесува просечната плата во Хрватска?

Колку изнесува просечната плата во Хрватска?

Германија бара работници: Се вработува квалификувана работна сила

Германија бара работници: Се вработува квалификувана работна сила

На што да внимавате кога барате работа во странство?

На што да внимавате кога барате работа во странство?

Каква „магија“ направи Андреја?

Каква „магија“ направи Андреја?

НЕ СЕ САМО МАКЕДОНЦИТЕ: Кои други народи немаат пари за летување?

НЕ СЕ САМО МАКЕДОНЦИТЕ: Кои други народи немаат пари за летување?

Кој е градот со најголемата економска нееднаквост?

Кој е градот со најголемата економска нееднаквост?

Колку заработува најбогатото семејство во светот секоја минута?

Колку заработува најбогатото семејство во светот секоја минута?

Како нашиот државен долг надмина 100 милијарди денари?

Како нашиот државен долг надмина 100 милијарди денари?