Се гаси пожарот на струшката дива депонија кој Струга ја покри со чад
Објавено во: Македонија 16 Јуни, 2017
Oд синоќа во Струга е ангажирана целата механизација од струшко за да се изгаси пожарот на дивата депонија.
Ова се случува откако неколку дена градот се гушеше во чад.
Механизацијата го расчистува патот за да може да се пристапи до пожарот, кој треба најпрво да биде изгасен, а потоа депонијата да биде затрупана. Најавено е дека ќе се работи до целосно завршување на работата.
Граѓаните на Струга со години од надлежните бараат решавање на овој проблем, а сега и итна интервенција за гасење на пожарот на депонијата, која се наоѓа на само 500 метри од градот. Граѓаните бараат депонијата да се дислоцира и трајно да се реши овој проблем. Оваа дива депонија ги крена жителите на нозе и тие протестираа.