11 Јули, 2020
0.0203

СЕ ГУШИМЕ И МОЛЧИМЕ: Oва се земјите во Европа каде граѓаните го вклучуваат алармот

Објавено во: Свет 11 Септември, 2019

Во Македонија 10 до 14 проценти од граѓаните пријавиле дека се изложени на загадување, што е малку во однос на другите европски земји, иако се знае дека Македонија и БиХ се двете најзагадени држави во Европа, покажуваат податоци од Евростат.

Македонците си молчат за загадувањето, додека во Германија, Грција, Малта граѓаните алармираат дека има големо загадување. Во Косово, Албанија, БиХ помалку од 10 проценти изјавиле дека се изложени на загадување. Кај Словенците, Романците  и Бугарите, загриженоста е поголема и во овие земји 14 до 18 проценти од населението изјавило дека е изложено на загадување.

„Не е дека животната средина не е важна, но луѓето се огорчени и засегнати од други приоритети, како што е сиромаштијата. Сите знаеме што е убаво, отпадот е една навреда за очите, но луѓето прво мислат дека треба за леб да заработат и затоа животната средина е некаде подолу во приоритетите. За животната средина мора долгорочно да се мисли, затоа што тие проблеми ќе ги погодат сите, без разлика дали се сиромашни или богати. Многу фабрики во земјава се без филтри, и од тоа сите се гушиме“, вели Јорданка Калајџиеска, екологист од здружението Виножито во Штип.

Според податоци на Евростат, 14 проценти од граѓаните на ЕУ пријавуваат изложеност на загадување, но од земја до земја овој процент варира.

Во 2017 година, Малта забележа најголем удел во својата популација 26,5 проценти  кои изјавиле дека се изложени на загадување, во Германија за истото реагирале 24,5 проценти,  и Грција 20,3 проценти. Стапките на изложеност на загадување или други проблеми со животната средина, исто така, беа над просекот на ЕУ во Луксембург, Латвија, Словенија, Литванија, Бугарија и Романија.

Данска, Финска и Шведска, заедно со Хрватска, забележаа некои од најниските стапки на изложеност на загадување, помеѓу 6 и 8 проценти. Земјата-членка со најмал удел на популацијата што пријавила изложеност на овие проблеми со животната средина била Ирска, со 5,3 проценти.

Повеќе македонски градови како Скопје, Тетово, Куманово, Битола беа меѓу најзагадените во Европа лани. Во зимските месеци загадувањето доживува кулминација.

Иако грејната сезона не е почната, синоќа Скопје на air visual беше 13-от најзагаден град на светот. 

Сања Атанасовска

Можеби ќе ве интересира

ЕВЕ КОИ ЗЕМЈИ НАЈДОБРО СЕ БОРЕА - но короната се враќа и не се знае кога ќе замине

ЕВЕ КОИ ЗЕМЈИ НАЈДОБРО СЕ БОРЕА - но короната се враќа и не се знае кога ќе замине

Ердоган нема да чека долго, на 24 јули во Аја Софија почнуваат молитвите

Ердоган нема да чека долго, на 24 јули во Аја Софија почнуваат молитвите

ИЗГЛЕДА НЕМА НИШТО ОД ИМУНТЕТОТ НА СТАДО - тешко дека вирусот ќе биде искоренет наскоро

ИЗГЛЕДА НЕМА НИШТО ОД ИМУНТЕТОТ НА СТАДО - тешко дека вирусот ќе биде искоренет наскоро

НЕ САМО ВТОР, ЌЕ ИМАМЕ И ТРЕТ БРАН ОД КОВИД-19 - предвидувања на германски виролог

НЕ САМО ВТОР, ЌЕ ИМАМЕ И ТРЕТ БРАН ОД КОВИД-19 - предвидувања на германски виролог

Научниците ќе дадат одговор како вирусот од животни се пренел на луѓе

Научниците ќе дадат одговор како вирусот од животни се пренел на луѓе

Кина обвини, а Казахстан демантира дека кај нив се шири болест поопасна од короната

Кина обвини, а Казахстан демантира дека кај нив се шири болест поопасна од короната

СЗО ПРИЗНА: Вирусот се пренесува преку воздух во ресторани и спортски сали, но потребни се уште истражувања

СЗО ПРИЗНА: Вирусот се пренесува преку воздух во ресторани и спортски сали, но потребни се уште истражувања

(ВИДЕО) ТАА Е ХЕРОЈ: Meдицинска сестра им свири на виолина на заразените од коронавирусот

(ВИДЕО) ТАА Е ХЕРОЈ: Meдицинска сестра им свири на виолина на заразените од коронавирусот

Ширењето на коронавирусот е надвор од контрола, алармира СЗО

Ширењето на коронавирусот е надвор од контрола, алармира СЗО