СЕ ИСЕЛИЛА ВО БРИТАНИЈА: Добро е да живеете во земја која е сервис на граѓаните

Добивај вести на Viber

Вишња Дрмиќ, која има 50 години неодамна се иселила од хрватскиот град Шибеник на југот на Англија. 

Таа Хрватска ја напуштила поради финансиска несигурност, пишуваат хратските медиуми. 

„Кога жена од 50 години ќе се реши на такво нешто, зад таа одлука мора да стои некоја сериозна причина. Мајка сум на три ќерки, најстарата има 32 години и е мажена. Другите две уште се школуваат, едната е на факултет, другата е во средно училиште“, раскажува оваа жена. 

За да го издржува семејството, во Хрватска работела три работи истовремено. 

„Колку и да се трудевме не можевме да преживееме ние четири, иако беа скромни, знаеја да преживеат со 20 куни на ден“, вели таа. 

Заминала да работи како негувателка во Британија, и вели дека луѓето таму се многу љубезни, а државата е сервис на граѓаните. 

Но, планира да се врати на својата стара професија, и не сака до крајот на својот работен век да биде негувателка, туку сака да се занимава повторно со декорација од балони за свадби, настани, родендени. 

Вишња Дрмиќ е среќна со животот во Англија и не планира скоро да се врати во Хрватска.