03 Јуни, 2020
0.0297

СЕ КРЧКААТ ИЗМЕНИ ВО ЗАКОНОТ: Како МВР ќе ги регулира електричните тротинети

Објавено во: Македонија 13 Август, 2019

За кратко време многумина ги заменија автомбилите со нив. Патуваат до работа, до училиште, низ град. Електричните тротинети се добра замена и за велосипедите, но и покрај растот на нивната популарност светот почна да им „објавува војна“.

Париз неодамна реши да го ограничи бројот на електрични тротинети, а Белгија и Германија воведуваат строги правила за нив поради поради попречување на пешаците.

Тренд се и кај нас, но исто како и во многу други земји ова превозно средство не е регулирано со Законот за безбедност на сообраќајот на патиштата.

Фактор ги праша надлежните од МВР што планираат во однос на безбедноста политика кај електричните тротинети, а од таму велат дека се работи на законски измени и дополнување на Законот за безбедност на сообраќајот на патиштата.

„Со оглед дека појавата, односно учеството на електричните тротинети во сообраќајот стана зачестена појава по сообраќајниците, а имајќи предвид дека овој вид на превозно средство не е регулирано во Законот за безбедност на сообраќајот на патиштата (“Службен весник на Република Македонија“ бр.169/2015, бр.226/2015, бр.55/2016, бр.11/2018 и бр.83/2018), Министерството за внатрешни работи подготвува законски измени и дополнување на Законот за безбедност на сообраќајот на патиштата, а се со една цел - нормативно регулирање и воспоставување на стандарди за безбедност и за овој вид учесници во сообраќајот“, посочуваат од МВР. 

СЕ БАРА СООДВЕТНО РЕШЕНИЕ ЗА РЕГУЛИРАЊЕ

Работна група ќе треба да најде соодветно решение за ова ново превозно средство како да се регулира.

Формирана е работна група, која меѓу другите измени на законот кои се планираат, треба да изнајде соодветно решение и за ова ново превозно средство кое е се попопуларно и кај нас. 

„И во други земји во Европа се бара начин како најсоодветно да се регулира ова превозно средство, па нашата работна група користејќи ги искуствата и мислењата на експертите ќе предложи соодветно решение“, додаваат кратко од МВР.

ОД МНОГУ СООБРАЌАЈКИ ДО ЗАОСТРУВАЊЕ НА ПРОПИСИТЕ ВО СВЕТОТ

Поради големиот број несреќи кои ги предизвикале корисниците на овој вид превозно средство и гужва и загрозување на безбедноста која ја создаваат на тротоарите, европските градови одлучиле драстично да ги заострат прописите.

Забележани се и несреќи со овие возила. Прва со смртен епилог се случила во мај во Брисел, а во јуни и едно 25 годишно момче го изгубило животот во судир со камион. Фатална средба со камион имала и една популарна млада ТВ водителка. Испаднало дека таа воопшто не ги знаела сообраќајните правила.

После низата несреќи во кои учествувале тротинети ширум Европа, а во шведскиот град Хелсингборг истото попладне после загинувањето на еден корисник на тротинет, деловен човек на пауза за ручек, избиле демонстрации со барање сите тротинети секаде да се забранат.


И.С.

Можеби ќе ве интересира

Мухамед Зекири, неговата сопруга и малолетната ќерка се хоспитализирани

Мухамед Зекири, неговата сопруга и малолетната ќерка се хоспитализирани

ФАКТОР НА ДЕНОТ: Денес 101 заразен, по што Владата го врати полицискиот час

ФАКТОР НА ДЕНОТ: Денес 101 заразен, по што Владата го врати полицискиот час

ЕКСПЛОДИРАЛА ГРАДОБИЈНА РАКЕТА: Повредени се двајца пиротехничари

ЕКСПЛОДИРАЛА ГРАДОБИЈНА РАКЕТА: Повредени се двајца пиротехничари

Филипче: Донесена одлука за полициски час за Скопје, Куманово, Липково, Штип, Тетово, Брвеница, Теарце, Желино и Јегуновце

Филипче: Донесена одлука за полициски час за Скопје, Куманово, Липково, Штип, Тетово, Брвеница, Теарце, Желино и Јегуновце

СЛЕДЕТЕ ВО ЖИВО: Прес - конференција на Венко Филипче

СЛЕДЕТЕ ВО ЖИВО: Прес - конференција на Венко Филипче

СЕ ОДНЕСУВАЛА ДРСКО: Јанева ја соблекла облеката во Државниот завод за ревизија

СЕ ОДНЕСУВАЛА ДРСКО: Јанева ја соблекла облеката во Државниот завод за ревизија

Се бара враќање на полицискиот час за повеќе општини

Се бара враќање на полицискиот час за повеќе општини

МИЛОШОСКИ: Oбвинителството да ги вештачи телефоните на Боки 13 и Заев

МИЛОШОСКИ: Oбвинителството да ги вештачи телефоните на Боки 13 и Заев

Општина Тетово смета дека не заслужува карантин, апелираат граѓаните да ги прекинат семејните посети

Општина Тетово смета дека не заслужува карантин, апелираат граѓаните да ги прекинат семејните посети