СЕ НАВРЕДИЛЕ ОД ГОВОРОТ НА ПЕНДАРОВСКИ: Eкс вработените во СЈО бараат извинување

Добивај вести на Viber

Eкс вработени во стручната служба и административно-техничкиот персонал на укинатото Специјално јавно обвинителство реагираат за дел од говорот на претседателот на државата, Стево Пендаровски за Илинден во Пелинце. 

Тој изјави дека граѓаните со право се разочарани од обвинителството кое беше симбол за расчистување со организираниот криминал, а се распадна како последица на тоа што и самото стана дел од организираниот криминал. 

Поранешните вработени во СЈО сметаат дека претседателот недвосмислено зборува за Јавното обвинителство за гонење на кривични дела поврзани и кои произлегуваат од содржината на незаконското следење на комуникациите, при тоа поистоветувајќи ги сите вработени без исклучок, како да се тие дел од организиран криминал.

„Обвинителството не го сочинуваше само една личност, па оттаму крајно некоректно е сите вработени да се поистоветат со постапките на една личност и притоа нивниот труд да биде девалвиран. Ниту една постапка на вработените во сега веќе укинатото Јавно обвинителство за гонење на кривични дела поврзани и кои произлегуваат од содржината на незаконското следење на комуникациите не придонесе за распад на институцијата, туку истата беше укината со политички договор како што беше и создадена“, стои во реакцијата.

Тие бараат јавно извинување од шефот на државата.

Порача дека мора да се бориме со криминалот и високата корупција, и рече дека новата Влада ќе има една нова задача, затоа што беа кажани тешки квалификации во кампањата. 

Екс шефицата на СЈО, Катица Јанева во случајот „Рекет“ е осудена на 7 години затвор.