Се очекува Иванов да истапи со нов предлог за гувернер на НБ
Објавено во: Финансии 11 Мај, 2018
Координаторот на пратеничката група на СДСМ, Томислав Тунтев, за Канал 5 изјави дека мнозинството во Собранието очекува претседателот на РМ, Ѓорѓе Иванов, да излезе со нов предлог за гувернер на РМ.
- Неспорно е тоа дека предлогот за гувернер на Народна банка останува како право на претседателот, но тој предлог треба да биде прифатлив за мнозинството пратеници - рече Тунтев.
На актуелниот гувернер Димитар Богов мандатот му истекува за десетина дена. Иванов го предложи токму него за уште еден мандат на чело на централната банка, но се чини дека тоа е неприфатливо за егзекутивата, откако премиерот Зоран Заев беше на средба кај претседателот да му го соопшти истото.