Добивај вести на Viber
Министерот за внатрешни работи, Оливер Спасовски, во очи на очекувањата новиот мандатар Димитар Ковачевски да го соопшти составот на новиот владин кабинет, се пофали со сработеното во неговиот ресор.
„Сериозен успех на МВР за 2021 во борбата со недозволена трговија со дрога - пресечени 16 меѓународни транспорти на марихуана и хашиш, со одлични резултати во заплената на наркотична дрога во вкупна проценета вредност од 15 милиони евра.
Од 2017 наваму, раководството на МВР стратешки зазема бескомпромисен став за сериозна борба и спречување на овие појави. И во 2022, како врвен приоритет останува ефикасниот и координиран одговор, а со краен резултат успешна борба против недозволената трговија со дрога, организираниот криминал и корупцијата, миграцијата, тероризмот, сајбер-криминалот“, напиша Спасовски на својот фејсбук профил.
Најновите неофицијални информации што се вртат во јавноста е дека Спасовски е се поблиску до задржување на своето министерско место во ресорот за внатрешни работи.