Се прават списоци на пациенти: Операциите ќе почнат со олабавување на мерките
Објавено во: Македонија 07 Мај, 2020
Министерот за здравство Венко Филипче најави дека со олабавување на рестриктивните мерки се очекува да почнат операциите кај оние пациенти, на кои во изминатиот период им беа одложени хирурчките зафати.
-Веќе се прави листа на пациенти на кои во изминатиот период им беа откажани операциите. Тие секако пред интервенциите ќе бидат тестирани дали се позитивни или не на корона вирусот со цел да ги заштитиме клиниките. Динамика на олабавување на мерките вклучува и нов систем на закажување Мој-термин, истакна министерот.
Истовремено најави и дека во најскоро време пристапот до Клиниките во Скопје ќе биде по сосема нов сообраќаен режим. Тој рече, дека во периодот на намалена фрекфенција на движење е искористен за да се реши овој повеќе децениски проблем.
-После 50 години, конечно имаме влез кој директно води до Хируршкиот ургентен центар, а има и посебен влез и излез кај Инфективната Клиника. Целосно асфалтирање на улица ќе се реализира и под Хируршките клиники и тоа ќе биде во функција веќе од следната недела. Во следната фаза ке почне да се прошурава и влезот кај Клиниката за стоматологија, како и проширување на влезот и излезот кај Клиниката за кардиологија. Ќе имаме целосно изменет сообраќаен режим за намалување на гужвите, изјави Филипче.