СЕ ПРЕДОМИСЛИЈА: Британците сакаат нов референдум за Брегзит
Објавено во: Свет 10 Август, 2018
Најновото истражување во кое учествуваа повеќе од 10. 000 граѓани на Велика Британија покажува дека доколку наскоро преговорите за Брегзит не бидат финализирани со решение, половина од нив се согласни дека е неопходно да се спроведе нов референдум за тоа дали земјата треба да ја напушти ЕУ.
Според Ројтерс, половината испитаници се изјасниле дека е подобро граѓаните сами да донесат одлука, отколку тоа да го направи парламентот. Истражувањето спроведено од 31 јули до 7 август покажало дека 45 отсто се за референдум по завршувањето на преговорите, додека пак 25 отсто дека тоа треба да го направи парламентот. Од нив, 50 отсто смета дека треба да се спроведе нов референдум за напуштање на ЕУ, 74 отсто сметаат дека преговорите се одвиваат лошо, а дури 68 отсто сметаат дека преговорите ќе завршат лошо за Британците.
Британската премиерка Тереза Меј одбива да изнесе нов став околу Брегзит, истакнувајќи дека граѓаните сами ја донеле таа одлука на 23 јуни 2016 година, кога 51 отсто гласаа за излегување на Британија од ЕУ.