СЕ РАСЧИСТУВА ПО НЕВРЕМЕТО: Богдановиќ повика граѓаните да пријават паднати дрвја
Објавено во: Македонија 14 Август, 2019
Градоначалникот на Општина Центар, Саша Богдановиќ на социјалните мрежи објави дека се расчистуваат паднатите дрвја низ градот.
„По краткиот, но силен ветер паднати се дрва на неколку локации во Центар. Екипите се на терен. Пријавете и вие ако забележите паднато дрво на 195, а во случај на дожд и поплавување на бројот на Водовод и канализација на 02 3073010“, напиша Богдановиќ.
Невреме имаше попладнево во Скопје, но и во други делови низ Македонија, а и утре се очекуваат врнежи и грмежи.