СЕ РАСТОВАРУВААТ СКОПСКИТЕ БОЛНИЦИ - помалку примени, повеќе оздравени од ковид-19
Објавено во: Македонија 09 Август, 2020
Се растоваруваат скопските болници во кои се хоспитализирани болните од коронавирусот. Ако на Инфективна клиника во Мајка Тереза пред околу еден месец имаше и до стотина пациенти, а капацитетот беше речиси целосно исполнет, додека, пак во ГОБ 8 Септември тој број достигна и до над 130 пациенти, сега на скопските клиники има помалку болни.
На Инфективната клиника во изминативе 24 часа примени се 3 пациенти. Вкупно се хоспитализирани 79 пациенти. На кислородна поддршка се 41 пациент, нема на механичка вентилација.
Во болницата во Козле се хоспитализирани 15 возрасни пациенти позитивни на ковид-19 и 4 деца позитивни на вирусот, а 5 пациенти суспектни на вирусот.
Во ГОБ „8 Септември“ примени се 5 нови, вкупно хоспитализирани се 76 пациенти. На респираторна машина се 6 пациенти.
А болниците ниц градовите се значајно исполнети, особено онаа во Штип.
„Во болницата во Битола се хоспитализирани 28, а во болницата во Штип се хоспитализирани 50 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица и Струга се хоспитализирани 123 пациенти - позитивни и сомнителни на ковид-19“, се вели во соопштението од Министерството за здравство.