Се разболеа адвокатите на Катица Јанева
Објавено во: Македонија 20 Јануари, 2020
Денешното рочиште за случајот „Рекет“ на кое требаше да сведочи поранешната специјална обвинителка Лиле Стефанова е одложено, откако се разболеа адвокатите на обвинетата Катица Јанева.
Одбраната на поранешната шефица на СЈО - Дељо Кадиев и Ирена Фрчковска поради здравствени проблеми не дојдоа во судот, откако беше доставена медицинска документација.
Кадиев бил на Клиниката за инфективни болести и е на антибиотска терапија, додека Фрчковска има рок до утре да достави извештај за нејзината здравствената состојба.
Судијката Васка Николовска-Масевска наредното рочиште го закажа за в четврток во 10.00 часот.