Добивај вести на Viber
Уапсени се повеќе од 900 лица, повредени се 26 полицајци и 53 граѓани. Ова засега е епилогот од големите анти-владини протести во Турција според министерот за внатрешни работи Муамер Гулер. Од организацијата „Амнести интернешнал“ пак тврдат дека во протестите има две загинати лица, а повеќе од 1000 се повредени, но овие податоци не се потврдени. Ѓулер изјави дека некои од уапсените веќе се ослободени, а други ќе бидат изведени пред суд.
Денеска во Истанбул ситуацијата е смирена, но не е иклучено дека подоцна во текот на денот демонстрациите може да се обновени, особено поради тоа што во знак на поддршка во повеќе метрополи низ Европа и Балканот се најавени протести пред турските амбасади во знак на поддршка на народот во Турција.
Изутрината имало изолирани судири на улиците на Истанбул , но атмосферата е мирна, иако демонстрантите кружат околу опожарени автомобили и се собираат околу огнови.
Синоќа стотици демонстранти поставија пожари во областа Тунали во главниот град Анкара, додека полицијата употреби солзавец и бибер спреј за да се спречат групите да фрлаат камења во близина на канцеларијата на премиерот Таип Ердоган во Истанбул.
Централниот плоштад Таксим во Истанбул каде што протестите беа фокусирани, беше помирен откако синоќа полицијата се повлече од плоштадот.